ONE GROUP FOR NORTH DON ADVICE BUHARI MAKE E CANCEL NDDC AND NEDC

-




Dem don advise Muhamadu Buhari government make dem cancel Niger Delta Development Commission and North East Development Commission as dem jus dey take advantage of di masses.


Isah Abubakar, di National President of Northern Youth Council of Nigeria and Chairman of Nigeria Citizen Action Group yarn am for one gist wey commot on Monday for Kaduna say, "We advise make Presido Buhari sharpaly cancel di two commission cos dem dey take advantage of di masses".


Im still advise say make di government make di government join dem togeda make dem for take reduce cost and corruption.


Di statement still suggest am say make di Minister of Niger Delta, Godswill Akpabio resign by imself make dem for fit investigate di mata of di ministry and commission wella.

From di mata wey dey ground, we go see am say di two commission no dey do anytin to develop anywia, wetin dey dia mind na how to steal money wey suppose bi for development of di region.

"With di audit wey dem dey audit Niger Delta Development Commission so, if dem say make anoda committee investigate North East Development Commission, difference nor go too dey. We nor go need dis two agencies if government dey do dia work well".
"Nor bi lie say from 2000 till today, money wey dem don steal for NDDC alone don pass 20 Trillion Naira, dis kain big money fit change a whole country, not to tok of region. Only 1.1% of di pipo wey dey dat region don benefit from dis corrupt government.

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more