IGP DON TOK SAY MAKE DEM INVESTIGATE POLICEMEN WEY ARREST LADY WEY ACCUSE D'BANJ OF RAPE.

-





Part of di petition read say, "On Tuesday, June 16, 2020, dem carry our client join her friend, Favour, for Lagos for her house by officers wey dey Ikeja IGP IRT. Di arrest nor get warrant and dem nor inform our client or Favour why dem arrest dem.


"As our client gist di gist, dem tell am make she write statement say she neva meet Mr Oyebanjo (D'Banj) for her life and make she still tok say na lie she lie against Mr Oyebanjo. Our client bin write am dem say make she write unto say na wetin dem go take release her bi dat before Lawyer enter di place to stop her make she nor write dat kain tin.


"Di Lawyer still con inform di policemen say, everytin wey join di rape mata of our client wey happen for December 2018 nor dey dia hand again as e don dey transferred to DIG FCID for proper investigation, for now, make dem commot hand."


DI Lawyer tell dem make dem release im client say im go dey carry am come anytime wey important for her to come.


As di petition tok, di policemen still dey try argue say Seyitan neva spend reach 24hours for dia hand so dem fit continue to dey hold her.


After dem don beg for hours, di lawyer comnot for di station, im con go back di following day.


Di Lawyer, Tommy Ojoge-Daniel, don tok say D'Banj manager, Damien Okoroafor, dey for police office di following day.


According to as di Lawyer tok, Okoroafor con dey give di policemen morale wey con make those ones refuse to release Seyitan and still dey threaten say dem go carry her enta Magistrate court make dem for fit remand her for two weeks.


Di petition still tok say "On Wednesday, June 17, 2020, di Lawyer enta di station for early momo around 7am wit application for bail wey di admin section of di IGP IRT collect.


"Di process for bail start wen one Damien Okoroafor who we con later know say na im bi Mr Oyebanjo manager enta di station con dey give officers command for inside Ikeja IGP IRT wey make di officers say dem no fit release our client.


"Dem yarn say dem wan arrange warrant from magistrate court to take detain our client for 14days. Dem seize di bail application wey di Lawyer bin submit give dem di first time. Dem still force Seyitan make she delete all di social media post wey she write about di mata say D'banj nor rape her foGlee hotel for inside Lagos for December, 2018."


Kokomaster deny di mata say make di girl con beg am make she still pay N100m

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more