EKITI FIT RE-OPEN SCHOOL AND WORSHIP PLACES FROM JULY 17, IF...

-


Governor of Ekiti State, Dr Kayode Fayemi don yarn say, worship centres for di state fit start dia services from Friday, July 17, as di state government don reach agreement wit leaders of religious organizations for di state.

Governor Fayemi wey yarn dis mata on Tuesday for state-wide broadcast on di next stage of dia response to COVID-19 tok say beta arrangement don dey ground to make sure say pupils and students go fit enta school again from July 20 as stakeholders for education sector don recommend. 

Im still tok say di two market wey big pass for Ado Ekiti - Oja Oba and Bisi Market wey bin dey close since go dey open for only lock up shop if dem follow wetin government tok. All di pipo wey dey sell for street plus di ones wey dey hawk for head nor dey allowed for now.

Di Governor still announce say Government don arrange Life insurance of N2.5 billion to cover N2 million each for 500 frontline medical personnel wey dey involved for COVID-19 assignment and dem don dey pay special allowances to di ones wey qualify for am.


Fayemi, still nor happy as plenty pipo still nor gree wear face mask for public wey im tok say fit increase how di virus dey spread for community.


Im tok say security agencies and Ministry of Justice get order to arrest and even prosecute any bodi wey dem catch for public place wey no wear im face mask to cover nose, mouth and chin.


As im dey explain di mata before dem fit open worship centres, space wey reach like six feet go dey between pipo, dem must wash dia hand and use face mask too.

Di number of pipo wey go enta worship centre go depend on how many pipo e go contain afta dem give each oda six feet space.

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more