Defence Headquaters don nab some Boko Haram Terrorists

-


Di Defence Headquaters (DHQ) on Sunday don yarn say four terrorists, wey two women dey inside, Aishatu Manye and Kelune Mate, wey dem don identify say dem bi wife of local Boko Haram commander for Gajingi for Madagali area inside Adamawa State dey part of  terrorists wey dem capture alive for di 17 operations wey military do last month as dem dey try to end activities of terrorists for we country. 



Dis mata dey inside statement wey dem yarn give news pipo for Abuja from di Coordinator of Defence Media operations (DMO) Major John Enenche.


Im yarn say for dis same mata, dem don kill 75 members of di group wen dem meet dem 17 times for June as soldiers bombard dem wey make many of dem surrender for di month.

Gen Eneche still con tok say di troops arrest one Boko Haram spy wey im name bi Kawalu for inside Michika as dem capture anoda Boko Haram fighter for Miyanti area for Bama inside Borno.

Im yarn say di attack lead to how dem recover plenty arms and ammunition, wey one anti-aircraft gun, 13 AK-47 rifles, one sniper rifle, 21 local guns, two Dane guns plus join one rocket-propelled gun dey inside. 

im still tok say, "Di three pipo wey dia names bi Mohammed Babagana, Modu Jugudun and Alhaji Usman surrender to troops of Delta Company for Strong Response Area, Pulka inside Gwoza, as one Mustapha Kori sef surrender give Army Super Camo 11 Gamboru, Ngala for Borno

"E go still make sense make una know say for dis period wey we dey tok so, army pipo ewscue 35 pipo from hand of BHTs/ISWAP criminals dem. Dem rescue 18 women, 16 children and one man.

“We quickly give polio vaccine to di children as e bi wit di Buratai Intervention Initiative as we give First Aid to di women as dem take need am"

Im say, Chief of Army Staff, Lt.-Gen. Tukur Buratai, don thank di Army pipo dem for how dem dey work wit dia whole mind and unto as dem dey show dia love for we country to finish any Boko Haram member wey still dey.

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more