Woman wey her stomach burst comot and she dey alive

-
 



Woman wey bi mama of 2 pikin don dey forced to dey live wit her intestine outside her stomach after God save am from gun attack.

Di woman wey bi Takeiyah Reeves, from place wey dem dey call Newark, for inside New Jersey for America dey part of di 3 pipo wey gun wounjure for random shooting wey happen for one night club for di city for  July, 2017.

Di woman stomach burst come outside after dem shoot am.

She bin dey study criminal justice wen di mata happen.

She lost like 4.5 litres of blood and her heart even stop as doctor dey try run surgery for her body. But dem succeed to remove di bullet from her bodi make she take stable.




Dem doctors work her stomach wit skin wey dey from her thigh, but di wound big ehn, dem no fit close di stomach until di tin heal finish.

Dem go still fix di stomach well o but na open di tin still open since di matter happen.

She say pipo dey always ask her if she pregnant wen dem see her and e dey always make her explain di mata.

Na volunteer work she dey do now for one group wey bi Bullets 4 Life, di one wey dey New Jersey so and she tok say after she graduate ehn, she go dey go school make she make children know say to dey use gun cause trouble no good at all.

Na dis month dem go seal her stomach wella.




Dem don run 7 surgery for her bodi so.

She say di tin bin dey make her feel bad dat year even enter depression mata for her but she don pass DAT level now and e com bi like war scar for her.



."

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more