RITUALISTS WEY DEY USE INTERVIEW KILL PIPO

-




This tori so, na from Nairaland di mata show face as one of di pipo wey dey di platform don tok wetin im eye see for one interview wey im go for Lagos.

I go for one interview for one place for Ikeja. As I reach dia, I see some ladies dem for front of gate, no security man dey di gate. di ladies follow me enta and dem ask how I take hear say interview dey and I show dem di message wey dem take invite me for my fone. Dey come say make I sidon for outside wia oda pipo sidon. I bi number 4 for attendance list but I see say over 10 pipo don dey dia as some even dey inside dey do wetin I nor know.

After like 20-30 mins, I con dey hear say dem dey shout for gate side, wen I reach, I see say one guy hold one of di ladies wey follow me enta wen I first enta, and di guy dey use all im voice shout say im know di lady from one interview wey im go for anoda place like 1 year ago. im tok say dem bi ritual pipo and dem dey change location make dem for no catch dem. Im tok say one of im friend die after di interview as di guy get chronic sickness wey finally kill am. Im still yarn say, im sef sick ontop di mata so, but na unto say dem quickly carry am go village to use native method run the show, if not, im for don die too. Na dia dem con tell dem say na ritual dem bin use im and im friend do.

Di guy tok say e get plenty tins wey dem dey do and how dem dey operate wey I even see am by my sef. The lady con dey beg am make e no shout.

The mata shock me, I no know wen I tear race comot di place o, I con hear lata say police don go dia go arrest dem but I no wait watch di film finish.

I pray make plenty pipo learn from wetin my eye see.
 

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more