Dubai police don release how dem take arrest Husouppi and im gang

-



Di Dubai Police Force wey dey United Arab Emirates, don expose how dem take arrest Nigerian Instagram Celebrity wey Im name bi Ramon Abass Igbalode, aka Hushpuppi.

For di video wey dem release on dia official Twitter handle for on Thursday, di police wey dey Middle-East tok say dia special team don dey track di suspect and Im gang for all di activities wey dem dey do for social  media for four months.

Di Police expose am say as dem arrest Hushpuppi wit 12 member of Im gang, dem discover say fraud of 1.6 billion Dirham (N168 billion) na im dem fraud different pipo.


Na pipo wey reach 1,926,400 from different part of dis world don fall for dem wayo.


As Police tok am, dem see 13 big moto wey dia moni enta 35 million Dirham (N3.7 billion) collect from dem wen dem arrest all of dem.

Di Dubai Police say di name of di operation wey dem take arrest dem na "Fox Hunt 2"

As dem dey play di video, di narrator wey dey tok for di video say "for less dan four months, Di Dubai police force fit finish di operation wey dem call Fox Hunt 2, wia dem arrest 12 gang member ontop di mata. 

"Dem raid six places for same time as di suspects dey dia houses for Dubai dey sleep. After dem don spend months to investigate and touchlight di mata and to monitor dia social media account, team of police wey get ogbonge training get dia location and activities."

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more