ARMY pipo kill civilian wey him name bi Rinji Peter Bala.

-
ARMY OFFICE WRITE COMMOT FROM DEM SAFE HAVEN OPERATION SITE AS E CONCERN HOW DI BOY TAKE DIE





Dem say na around dat kain 10pm on May, 12, 2020, informate enter dem ear say some suspect armed robbers and cult boys dey worry for 18th street, Jos south LGA for Plateau State. Di informate show say di bad boys dem dey use di opportunity of as everwhere lock so take dey scatter town. As e don bi like dat, Army pipo from sector 1 patrol troops of OPSH sharply enta di area and dem nab 7 pipo wey dem suspect and dem carry dem go dem office for touch lighting.

Afta dem don touch light dem wit plenti question dem allow 5 of dem commot dey go free, but e com happen say as dem dey commot so, one of di officer wey dey duty con tink say dem bi suspect wey wan escape. Na so e rush dem wit bullet wey con lead to as Mr Rinji Bala Peter take mud.

As e bi now, investigate dey go on to know wetin cause di officer to do dat kain tin. Dem also talk say dem don arrest d officer wey dey involved for di mata.

Dem condemn di accident say e nor good at all and dem con send dem pipo make e go greet di family of di boy wey die. OPSH don announce say make everybody cool down, say di truth go come out and di boy no go die for notin

Comments

Post a Comment

Popular posts from this blog

WOMAN FOR ANAMBRA AND HER HOUSEBOY DON DIE UNTO SAY DEM BURN CHARCOAL TO WARM HER ROOM

-
ANAMBRA STATE POLICE COMMAND DIARY: *SUDDEN DEATH* Today wey bi 5/07/2020, one report enta from Aguata Police Station as one Bernard Ezeuboaja of Umuchuana village inside Ekwulobia for Anambra State yarn say on dat day, im find out say im wife, Obiagele Eeuboaja wey bi 65 years and her house boy, Chikamso wey bi 12 years nor gree wake up from sleep wey dem sleep for night. Na as im open door im meet dia dead bodi. For Police report, Police pipo wey dey Aguata division visit di place wey di mata for happen and dem rush di victims go hospital for treatment but doctor say dem don die before dem carry dem enta di hospital. Investigate show say di dead pipo bin dey burn charcoal for di room as dem close all di windows becos of cold and breeze nor see space enta. Di container wey dem put di charcoal don dey wit police now as exibit and dia dead bodi don dey Ekwulobia hospital mortuary to take find out wetin really kill dem. Di investigate still dey go. *SP Haruna Muhamme...
Read more

BRT fit stop work from May 25.

-
Image
Primero Transport Services Ltd, wey dey operate Bus Rapid Transit (BRT) fit stop work on May 25, as den get small waka waka problem, as confirm informant yarn on Friday. All di wahala to take get di oga patapata for di company, Fola Tinubu make e for relate about wetin dey happen no work. For May, 15, NAN yarn say BRT bus wey dey different junction dey go different areas no reach as e dey before as pipo wey dey wait for line long pass before. Pipo wey dey use BRT don dey complain as BRT no reach since governent don allow pipo waka go out since May, 4. Tinubu yarn for May 15 say, di way wey dem dey operate now wan bi like say dem jus dey do work wey no pay dem. "To dey carry 20 pipo inside dat kain bus no go work as dem no dey see gain again so. Pipo wey we dey owe no gree leave us for neck, as e dey now, di mata no go work. Na why we don less di number of bus wey dey town." Lagos state government bin don yarn say make di bus wey bin dey carry 70 pipo dey carry 21 now.
Read more

Ogun state don add join di 'eased lockdown' for di state.

-
Image
Na di third time bi dis wey Governor Dapo Abiodun of Ogun state go add join di 'eased lockdown' for di state to make dem fit reduce as corona virus dey spread. Abiodun tok am on friday say di new days wey dem add join go start for May 25th na unto as pipo no gree hear word wey government bin dey yarn dem. Im tok say after dem don look di mata well, na im make dem take action say di 'eased lockdown' go still continue till Sunday, May 31st, 2020. Im took say, as dem dey try make everytin for balance, dem go open everywia make pipo for move from 7am go reach 5pm on Monday, 25th May, 2020; Wednesday, 27th May, 2020 plus join Friday, 29th May, 2020.
Read more